urduhub

  سیستان ایران اور افغانستان کی سرحدیر ایک وسیع صحرا ہے۔ دریائے ہلمیند یہاں آ کر ایک کھاری جیلی ہا مون میں گرتا ہے اور اس کے چاروں طرف دور دور تک ریگستان پھیلا ہوا ہے۔ آج سے کچھ دن پہلے کوئی نہیں جانتا تھا کہ یہ ریگستان کبھی ایران کی تہذیب کا گہوارہ رہا تھا۔ اور یہاں ایک خوبصورت شہر آبادتھا حال ہی میں آثارقدیمہ کی ایک اطالوی ٹیم نے برسوں کی کھدائی کے بعد اس گمشدہ شہر کی دریافت کر لی ہے۔ یونانیوں نے سیتاین کا نام سگستان رکھا تھا اورعرب اس کو سجتان کہتے تھے اور موجودہ نام وسط ایشیا سے آئے ہوئے سا کاز قبیلہ کا مرہون منت ہے۔ آج یہ علاقہ قطعی ایک بے آب و گیاہ صحرا ہے ۔ سال کے ایک سو بیس دن یہاں تیز آندھیاں چلتی ہیں اور شمال مغرب سے آنے والی ان آندھیوں نے یہاں ریت کے تودے کھڑے کر دئیے ہیں اس صحرا اور ریت کے۔۔ ۔مزید پڑھیں

  مرات کی سیاہی جیسے ہی گہری ہوئی جرمنی کے ساحلی شہرکوز ہی کی بندرگاہ سے ۹۹۷ ٹن وزنی جہاز آگسٹ پیٹرس عملے کے بارہ افراد کولئے اپنی زندگی کے سب سے اہم اور پوشیدہ مشن پر روانہ ہوگیا۔ پورا علاقہ رات کی گہری تاریکی میں ڈوبا ہوا تھا اور لوگ اطمینان سے اپنے اپنے گھروں میں محو استراحت تھے۔ کسی کو بھی علم نہیں تھاکہ ساحلی بندرگاہ پر کسی قسم کا کام جاری ہے۔ ایک لحاظ سے یہ بہت اچھی بات تھی کیونکہ اگر عوام کو اس بارے میں ذرا سی بھی اطلاع مل جاتی توشاید لوگ خوف وہر اس کے۔۔۔ مزید پڑھیں

  دنیا کی سیر کرنے کی خواہش کس دل میں پیدانہیں ہوتی۔ بہت کم ہیں جن کا یہ خواب شرمندہ تعبیر ہوتا ہے لیکن جارج میل نے تو کمال ہی کر دکھایا جب اس نے اپنے اور اپنی بیوی کے لئے دنیا کی سیر کی غرض سے ایک چلتا پھرتا گھر بنایا نہ صرف یہ کہ وہ اس آرامدہ اور عجیب وغریب گھر کے خود مالک ہیں بلکہ انھوں نے خود ہی اسکو بنایا بھی ہے اور آراستہ بھی کیا ہے مسٹراورمزدبیل انگلینڈ کے ایک قصہڈ ٹیم ورتھ کے رہنے والے ہیں۔ وہ اپنے قصےی سے پچھلے سال اکتوبر ۱۹۶۶ء میں روانہ ہوئے تھے۔اور تقریباً ایک درجن ملکوں کی۔۔۔ مزید پڑھیں

  اس سے پہلے کہ میں اصل واقعہ کو قلم بند کروں، زلزلہ کی المناک تباہ کاریوں کی اجمالی تمہید ضروری سمجھتا ہوں، کیونکہ زیر قلم واقعہ کا تعلق براہ راست ایک نہایت ہی ہیتبناک اور لرزہ خیز بھونچال سے ہی ہے ۔ زلزلے آندھی اور سیلاب کی ستم ظریفیوں کے آگے انسان عاجز وبے بس بن جاتا ہے ۔ زلزلہ سے چشم زدن میں قیامت خیز اور عبرت انگیز سماں پیدا ہو جاتا ہے جس کے ذکر سے لوگوں کے دل دہل جاتے ہیں، اور جو اس گم ہوجاتے ہیں خوشنا اور پررونق بستیاں اجڑ جاتی ہیں عالیشان عمارتیں زمین بوس ہوجاتی ہیں۔ پہاڑوں کی فلک شگاف چوٹیاں ریگ زاروں کی مانند زمین پر سجدہ ریز ہو کر اپنی۔۔۔ مزید پڑھیں

  سرزمین عرب پر صحرائے بیجان میں الولدمی کا مقبرہ موت کے فرشتوں کا گھر کہلاتا تھا۔یہ مقبرہ ایک خوشنار نخلستان میں واقع تھا۔عربوں کا خیال تھاکہ یہاں موت کے فرشتے رہتے جو بھی اس مقبرے کے قریب جاتا موت کا شکار ہوجاتا۔لیکن دراصل اس مقبرہ کے اندر عربوں کی قدیم تاریخ سے متعلق کچھ قیمتی اور نایاب دستاویزات دفن تھیں۔ دنیاس صرف شخص اس راز سے واقف تھا۔یہ۳ مارچ کا واقعہ ہے۔میں نے اپنے ہیلی کو پڑسے نیچے اترکر جب جنوبی عرب کے اس ریگ زار پرقدم رکھا تو مجھے ایسا محسوس ہوا جیسے میں ایک بھٹی میں کود پڑا ہوں ۔۔۔ مزید پڑھیں

  کہا جاتا ہے کہ جسم کوعجیب عجیب طرح حرکت دپنے منہ بنانے اور شور مچانے سے دماغ اور جمت ورزش پاتے ہیں اور ان کی چھپی ہوئی صلاحیتیں اجاگر ہوتی ہیں امریکہ میں جوڈو اور اب کریت کی مقبولیت کے پیچھے یہی نظریہ کام کرایا ہے۔ اصل میں کریت کوریا اور جاپان کا کھیل ہے جس کا رواج امریکہ کے نوجوانوں میں حال ہی میں ہوا ہے۔ امریکی نوجوان کریت اسٹوڈیو کا مالک اپنی شاگرد لڑکیوں کے۔۔۔ مزید پڑھیں

  تقریبا نصف صدی کی بات ہے امریکہ میں ایک ڈھلوان پر دو بھائی اپنے کینوس کے بنائے گلائیڈر کے ذریعے فضا کو تسخیر کرنے کے خواب دیکھ رہے تھے۔ کون جانتا تھاکہ ان کے یہ خواب بہت جلد ایک زندہ جاوید اورجیتی جاگتی حقیقت کے روپ میں ہمارے سامنے آجائیں گے ۔ یہ بھائی تھے رائٹ برادرس ہوائی جہاز کے جنم داتا ۔ مجھے اپنے اس مختصر سے مضمون میں ہوائی اڑان کی مصفل تاریخ نہیں پیش کرنی ہے پہلی اور دوسری جنگ عظیم میں نئے نئے تجر بے ہوئے اور ضرورتوں کے مطابق طرح طرح کے ہوائی جہاز بنائے گئے۔ لیکن پچھلے ۔۔۔ مزید پڑھیں

  دوسری جنگ عظیم کی ہولناکیاں عروج پر تھی میں ان دنوں لی کے جنگی مورچہ پر ایک پائیلٹ آفیسر کی حیثیت سے تعینات تھا۔ غارتگری میرا مشغلہ تھا۔ امریکی چوکی پورٹ مورس بے اور ہماری چوکی کے درمیان صرف نوے منٹ کی پرواز کا فا صلہ حائل تھا۔ امریکی چوکی پربمباری جاری تھی۔ اس زمانے میں لیفٹیننٹ کمانڈر جونسن امریکی بحرئےا کے ایک ممتاز آفیسر تھے جون کا مہینہ تھا۔ وہ آسٹریلیا میں اتحادی فوجوں کا معائنہ کرنے کے بعدساوتھ ویسٹ پسیفک علاقے کے جنگی دورہ جیسے خطرناک مشن۔۔ مزید پڑھیں

  براعظم افریقہ اپنے پراسرارجنگلوں اور خوفناک درندوں کے لیے ساری دنیا میں مشہور ہے ۱۹۳۲ میں وہاں اچانک۔۔ شاید دنیا کی تاریخ میں پہلی اور آخری بار ایک ایسا ہیبت ناک اور خونخوار پرنده نمودار ہوا، جس کی چیرہ دستیوں کی لڑزہ خیز داستانوں نے ساری دنیا کو ہلا کر رکھ دیا۔ ایک چھوٹے طیارے کے برابر ڈیل ڈول والا یہ خوں خوار پرندہ جب پرواز کرتا تو کسی تند و تیز طوفان کا گمان گذرتا ، اس کے سانس کی رفتاراتنی تیز تھی کہ چھوٹے موٹے جانور آٹھ دس فٹ کی دوری سے ہی کھینچ کر اسکی چونچ میں پہنچ جاتے طاقت کا ۔ ۔مزید پڑھیں

  ڈاکٹر ہیڈ یگر نے جواپنی خصوصیات کے اعتبار سے ایک عجیب وغریب انسان تھے، ایک دن اپنے ہم عمرکے بزرگ دوستوں کو اپنے دفتر میں مدعو کیا۔ ڈاکٹر ہیڈیگران پر اپنا ایک خاص تجربہ کرنا چاہتے تھے۔ ان چار بزرگوں میں سے تین تو سفید داڑھی والے مردمسٹر میلبورن، کرنل کلیگر یو اورمسٹر گیس کاٹن تھے اور ایک سوکھی ساکھی مرجھائی ہوئی سی خاتون وچرلی تھیں، یہ سب کے سب سن رسید ہ، اداس اورافسردہ لوگ تھے جں کی زندگیاں نا کام ہو رہی تھیں اور جن کی سب سے بڑی بدقسمتی شاید یہ تھی کہ وہ اب سے ۔۔۔ مزید پڑھیں

  گول چہرہ بڑی بڑی نیلی غزالی آنکھوں اور چہرے پر گہری معصومیت دیکھ کر کوئی شخص نہیں کہہ سکتا تھا کہ وہ اٹھائی گیرہے ۔ اور اس کا کام شاپنگ سنٹر سے قیمتی اشیا چرانا ہے وہ اپنا کام اتنی صفائی سے کرتی تھی کہ کسی کوشبہ تک نہ ہوتا کہ اس شاپنگ سنٹر سے جتنی بھی قیمتی اشیاء غائب ہورہی ہیں یہ سب اسی معصوم چہرے والی حسینہ کے بائیں ہاتھ کا کھیل سے وہ یہ کام دونوں ہاتھوں سے سرانجام دیتی تھی ۔وہ ویسٹ میئر شاپنگ سنٹر سے دو سال سے قیمتی اشیا چوری کر کے لے جا رہی تھی ۔اور کوئی بھی اس پر شبہ مہ کر سکہ تھا۔شاپنگ ہال کے مختلف اسٹورز اور کاونٹروں پر گھومتے وقت اس کا درمیانے سائزکا ہینڈ بیگ اس کے بائیں کندے پر لٹکا ہوتا وہ چلتے چلتے کسی بھی کاونٹر پر رک جاتی اس کا بائیں ہاتھ ہمیشہ ہینڈ بیگ پر ہوتا دائیں ہاتھ سے وہ مطلوبہ چیزاٹھاتی جو نہی چیز اس کے ہاتھ میں آتی۔ بائیں ہاتھ کی چھوٹی انگلی حرکت میں آجاتی اور بیگ کھل جاتا چوری شدہ سامان بیگ میں چلا جاتا وہ اپنی کہنی سے اس طرح بیگ بند کرتی جیسے اپنے کو لہے پرخارش کررہی ہو۔ اس پورے عمل کے دوران اس کا ۔۔۔ مزید پڑھیں

  میرے خیال میں اخبار پڑھنے کا سب سے بڑا فائدہ یہ ہے کہ اسے پڑھنے سے کوئی نقصان نہیں ہوتا لیکن میرے ایک دوست اخباربینی کے اس قدر خلاف ہیں کہ ان کی رائے میں اسے نصاب میں شامل کر دینا چاہیے ۔ فرماتے ہیں سمجھ نہیں آتی جب اخبار نہیں تھے تو نوجوان خراب کیسے ہوتے تھے۔ اخبار نہ ہوتے تو لوگ بڑے آدمیوں کی شہرت اور شہوت انگیز قہقہے کہاں سے پڑھتے۔ برے آدمی بھی شریفوں کی طرح چپ چاپ زندگی گزار دیتے۔ یعنی اپنی گلی کے آدمی بھی اسے نہ جانتے اخبار نہ ہوتے توبرے آدمی نہ ہوتے تو اخبار کہاں ہوتے؟ پہلے اخبار کی زندگی ایک روزه ہواکرتی تھی۔ وہ اگلے ہی دن باسی ہوجاتا ۔اب آپ اسے ہفتہ بعد بھی پڑھ لیں بھربھی مزا آئے گا کہ اس میں ایسی کوئی چیز ہوتی ہی نہیں جس کے۔۔۔ مزید پڑھیں

  اچانک انٹونیوکویوں محسوس ہوا جیسے اس کے پاؤں کے نیچے سے زمین نکلی جارہی ہو اس نے لڑکھڑاتے قدموں سے آگے بڑھ کر کمرے کی دیوارتھا منا چاہی تو وہ بھی گرتی ہوئی سی محسوس ہوئی اور ساتھ ہی چوبی چھت سے چرچراہٹ کی آوازیں آنے لگیں ۔ انٹونیو نے سوچا شاید زلزلہ آرہا ہے ۔ وہ گھبراکر اپنی بیوی جولیا اور دونوں بچوں تھریسا اورمارک کو جگانے کے لئے دوڑ پڑا جو برابر کے کمرے میں محو خواب تھے لیکن اپنے کمرے سے نکلتے ہی ایک جھٹکے کے ساتھ وہ منہ کے بل زمین پر گر پڑا۔ اسے اب پورا مکان گردش کرتا اور نشیب کی۔۔۔ مزید پڑھیں

  جب تدبیروں کے تمام مراحل ناکام ثابت ہوئے تو شاہ جی نے تقدیرکا سہارا لیا۔ اب انھوں نے سیاست دانوں نیتاؤں، سرکاری افسروں اور وزیروں کے گھروں دفتروں کے چکرلگانا ترک کرکے گوشہ عافیت اختیارکر لیا۔ دفتر سے سیدھے گھر آجاتے اور اردو، انگریزی زبانوں میں شائع ہونے دالے معمے بھرنا شروع کر دیتے۔ ساتھ ہی ساتھ انھوں نے لاٹری کے ٹکٹ بھی خریدنا شروع کر دیئے۔ اپنی آمددنی کا پانچ فیصدی یعنی پچیس روپیے ماہوار وہ اسی دھندے میں لگانے لگے۔ہر بار جب معمے یالاٹری کے نتائج کی تاریخ سامنے آجاتی تو ساری رات شاہ جی ایسے خواب سجانے لگتے جن سے ان کی ۔۔۔ مزید پڑھیں

  تاش کے کھیل سے واقف لوگ جانتے ہیں کہ اون پتوں کے ساتھ عموما دوجو کر بھی ہوتے ہیں ۔ جوکروں کا اس کھیل میں براہ راست کوئی حصہ نہیں ہوتا لیکن جب کوئی پتہ گم ہو جائے تو اس کی جگہ جوکر استعمال کرلیا جاتا ہے جوکرکی مسخرے کی شکل دبلے پتلے لڑکے سے ملتی جلتی ہے جس پرمضحکہ لمبی ٹوپی اور چہرے پر ہونقوں جیسا نقاب ہوتا ہے یہ شكل مختلف شوخ رنگوں میں بنائی جاتی ہے۔ یہ عجیب اتفاق ہے مسخرے کی یہ تصویر ابتدا میں موت کی علامت کے طور پر بنائی گئی تھی۔جوکر یا مسخراسب سے پہلے اطالوی تھیٹرمیں ظاہر ہوا۔یہ ایسے مایوس اور دل شکستہ عاشق کا کردار تھا۔جواپنی محبت میں بری طرح ناکام ہو گیا محبوبہ نے اسے مکمل طور پر دھتکاردیا اور موت کو گلے لگانے کے سوا کوئی چاره کا رباتی نہ رہا۔ اس طرح ہوتے ہوتے تھیٹر کا مسخره موت کی علامت بن گیا۔ بعد میں موت کی علامت کو نئے معنی پہنائے گئے اور اسے ۔۔۔ مزید پڑھیں

  گاؤں کا ہرشخص تین چیزوں سے ڈرتا تھا ۔مہاجن کے اناےر سے نمبردار کے غصے سے اور مولوی کے وعظ سے مگرعارف واحد نوجوان تھا جس نے مڈل تک تعلیم حاصل کرنے کے بعد اکیس ایکڑ زمین کی دیکھ بھال کے علاوہ ایک چھوٹی سی دوکان کھول رکھی تھی اوران تینوں ڈراونی چیزوں سے قطعات بے نیازاوربے خوف تھا۔ بلونڈا ضلعی صدرمقام گورداسپورسے تیس میل کے فاصلے پرواقع تھا وہاں آنے جانے کے لئے راستہ ٹیڑھا میڑھا بھی تھا کچا بھی کئی جگہوں پانی سے بھی گزرنا پڑتا تھا۔ رات کو یہاں سے۔۔۔ مزید پڑھیں

  جون پوتیا نے پچاسوں بار فرشتہ اجل کو دھوکہ دے کر دنیا میں ایک نیا ریکارڈ قائم کیا ہے۔ موت کے خلاف میری جدو جہد، میں اس نے پانچ درجن ایسے لرزہ خیز حادثات کا تذکرہ کیا جن سے دوچار ہونے والا فولادی ٹینک بھی تہس نہیس ہوجاتا ، لیکن جون پر ان کا کوئی خاص اثر نہیں ہوا، ہر بار وہ موت کے چنگل میں آنے کے بعد صاف صاف بچ نکلا، اس کی آپ بیتی کے مطالعہ سے ہی ظاہر ہوتا ہے کہ وہ طلسماتی انسان ہے یا کوئی ایسا انسان جو کوئی عظیم کرشمہ ساز ہو ۔عنفوان شباب میں جون پوتیا بلڈوزرچلانے پر مامورتھا یہی اس کا ذریعہ معاش تھا ، اور اسی بلڈ وزر چلانے کے دوران وہ اپنی زندگی میں پہلی با موت کے ایک ایسے حملے سے دو چار ہو کر بچ نکلا جسے معجزہ ہی قراردیا جا سکتا ہے، وہ میکسیکو کے ایک بڑے کاشت کار کا بیٹا تھا ، پتھریلی زمینوں سے چٹانوں کو۔۔۔ مزید پڑھیں

  میں اپنا نام نہیں جانتا مجھے یہ بھی معلوم نہیں کہ میرا کوئی نام رکھا بھی گیا تھا یا نہیں ۔میری عمر کتنی ہے ؟ میں یہ بھی نہیں جانتا۔ کیونکہ میں اس دنیا میں ایک اتفاقی حادثے کی طرح وارد ہوا، مجھے ایک جگہ سے اٹھایا گیا اور بے خیالی کے عالم میں دوسری جگہ پھینک دیاگیا۔ جس طرح کوئی راہ گیر پتھرکواٹھا کے کسی مقصد کے بغیر پھینک دیتا ہے مجھے اپنے ماں باپ کا بھی حال معلوم نہیں ہیں اس دنیا میں ایک بھونی بسری پسماندہ چیز ہوں۔ اپنے ایسے کروڑوں کی طرح جن میں زندگی بسر کرنے کے لئے تقدیر نے مجھے پھینک دیا ہے۔ میری رنگت بھوری ہے ۔ آنکھیں اور بال سیاه ناک چپٹی قدچھوٹا۔میں نے بھی دوسروں کی طرح بچپن کا زمانہ دیکھا ہے لیکن میرا بچپن کئی باتوں میں ان کے بچپن سے الگ تھلگ تھا۔ کسی نے مجھ سے محبت اور شفقت کا سلوک نہیں کیا ۔کسی نے ٹھٹھرے ہوئے جسم کو حرارت نہیں پہونچائی۔ مجھے تسلی نہیں دی ۔اپنی زندگی کے۔۔۔ مزید پڑھیں

  میں ۳۰ نومبر۱۸۳۵ء کو میسوری کے ایک گم نام گاوں فلوریڈا میں پیدا ہوا، ہمارا گاؤں سونفوس پر مشتمل تھا اورمیں نےاس کی آبادی میں ایک فی صد اضافہ کر دیا تھا، مجھے یقین ہے کہ مشاہیر عالم میں سے کسی نے بھی یہ کارنامہ ا نجام نہ دیا ہوگا، میرے خیال کے مطابق شکسپیئر بھی اپنے گاوں کے لئے اتنااہم نہیں تھا جتنا اہم میں ثابت ہوا۔میرا چچا جان اے کورنر بھی کسان تھا، وہ ہمارے گاوں سے چار میل دور رہتا تھا ، اس کے آٹھ بچے اور بارہ نیگرو غلام تھے ، وہ خوش رہنے والا انسان تھا۔ میں سال میں دوماد سے تین ماہ تک اس کے پاس رہتا تھا۔مہمان نوازی کا لطف میں چار سال سے بارہ سال کی .. مزید پڑھیں

  دنیا میں جہاں کہیں آتش فشاں پہاڑپھٹتا ہے اور سرخ دہکتا ا ہوالاوا اپنی زہریلی گیس کے ساتھ اس کے دہانے سے باہر آتا ہے۔ متعلقہ حکام کو ہیرون تازیف کی ضرورت محسوس ہوتی ہے‘‘ جوآتش فشاں پہاڑوں کا ہیرو’’ کے نام سے مشورہے بیرحون تازیف کی عمر۶۵ برس ہے وارسا میں پیدا ہوامگرآج کل پیرس کے نیشنل سنٹر آف سائنٹفک رلسیرچ سے منسلک ہے۔ گذشتہ تیس برس میں ہیرون تازيف نے انٹارکٹا سے جاپان تک کم وبیش ہر آتش فشاں کا اس وقت معائنہ کیا اور اس کے ... مزید پڑھیں

  اپنی زندگی کے اس اہم ترین دن کی صبح کوجب ڈیرک بڑے اہتمام سے لباس تبدیل کر رہا تھا۔ اس کی نظریں بارباراس رنگین شادی کارڈپرپڑرہی تھیں جو اس کے بستر کے قریب تپائی پر رکھا ہواتھا اورجس پر جیمز بانڈ ٹائپ کے ایک آدمی کی تصویر بنی ہوئی تھی۔ تصویر میں وہ آدمی بڑے اعتمادسے مسکرارہا تھا۔ اس کے اردگرد جوکھیلنے کی مشینیں اور پانسے وغیرہ پڑے تھے اور تصویر کے نیچے لکھا تھا۔ داؤ لگائیے اور فائده اٹھایئے۔ ڈیرک جب بھی ان الفاظ پر غور کرتا تو اس کے لبوں پر مسکراہٹ کھیلنے لگتی تھی ، یہ سوچ کر کہ یہ الفاظ کے عجیب اورناکافی لگ رہے ہیں لیکن ان ناکافی الفاظ میں بھی ایک خاص معنی پوشیدہ تھے یہ الفاظ علامتی تھے۔ اور اینجی نے تو انہی الفاظ کی وجہ سے اس کارڈ کو منتخب کیا تھا اور نہ شادی کارڈ تو ہزاروں اقسام کے تھے خورڈیرک بھی داو کے لفظ کی معنی خیزی کامعترف تھا اور کیوں نہ ہوتا ؟ داولگانے کے اصولوں کو ۔۔ مزید پڑھیں

  افریقہ طرح طرح کے خطوں اور طرح طرح کے قبیلوں کے لیے بطور خاص مشہور ہے۔ شمال مغربی افریقہ میں مراکو میں ایک قبیلہ ایسا بھی آباد ہے جو اپنے رسم و رواج میں اس علاقےکےاور قبیلوں سے ملتا جلتا بھی ہے اور بہت کچھ مختلف بھی ہے۔ اس قبیلے کا نام بربر ہے۔ آبادی کے لحاظ سے بڑھتے بڑھتے بربر لوگ اب ایک چھوٹی سی قوم کی صورت اختیار کر گئے ہیں ۔ ان کی زندگی کے دلچسپ پہلو اور بھی بہت ہیں۔ مگر ان میں شادی بیاه کا جو انداز ہے وہ بطورخاص قابل ذکر ہے۔ تصویر میں جو خچرسواربر بر ہے ، وہ کوئی عام بر بر نہیں خیمے کی لکڑیاں خچر پرلادے ۔پھر اس پر کمبلوں اور لحافوں کی زین بناکر خودسوار ، سرپرسفیدعمامہ باندھے ہاتھ پر ایک سوٹ کیس سنبھالے جس میں لگتا ہے کوئی خاص۔۔۔ مزید پڑھیں

  مدتیں گزریں شہر مدراس سے کو ئی ڈیڑھ سومیل مغرب میں خلیج بنگال کے ساحل پر ایک چھوٹی سی بستی آبادتھی جس کی آبادی مچھیروں پر مشتمل تھی۔ انہی مچھیروں میں ایک شخص عبداللہ نامی تھا عبداللہ کی عمر اس وقت پچاس ساٹھ سال لگ بھگ ہوگی۔ اس کے پانچ لڑکے تھے جو سب اپنے گھربار کے ہو چکے تھے۔ صرف دوغیرشادی شدہ لڑکے باپ کے ساتھ رہتے تھے۔ اب عبداللہ عمرکے اس حصے میں داخل ہو چکا تھا جہاں سے انسان سفرآخرت کی تیاری شروع کردیتا ہے چنانچہ عبداللہ اب سمندری زندگی کو خیر باد کہہ کر زیادہ تریاد خدا میں مصروف رہنے لگا تھا۔ فکر تھی تو صرف یہ کہ دوسال کے اندر اندر اپنے ان دونوں بچوں سے بھی غت حاصل کرلے تاکہ اس کے بعد اطمینان سے ۔۔ پزید پڑھیں

  یوں تو میرا خاص پیشہ جنگلی جانوروں کی چلتی پھرتی تصویریں لینا ہے جنہیں میں یا تو ٹیلیویژن کمپنیوں کو بیچ دیتا ہوں یا پھر اپنے غیرملکی سیاحت کے دوران شوقین ۔ مزاج لوگوں کو دکھا کر معاوضہ لیتا رہتا ہوں۔ لیکن کبھی کبھی بدرجہ مجبوری مجھے کسی جانور کا شکار بھی کرنا پڑتا ہے کوئلے کی دلالی میں ہاتھ تو کالے ہوتے ہی ہیں اس لئے مجھے بھی اس قسم کی تصویر اتارتے وقت اکثر و بیشتر چھوٹے موٹے حادثات کا سامنا ہوتا ہی رہا ہے۔ ایسا ہی ایک خطرہ مجھے ایک خطرناک سئور کی ۔۔۔ مزید پڑھیں

  پورشیا کو پہلی بار جب بچھونے کاٹا تو اسے اس قدر اچھا لگا کہ اسی ہفتہ میں اس نے دواوربچھووں کو ڈھونڈ کر خود کو ان کے سپرد کر دیا۔ اورپھر تو جیسے اس پر بچھووں سے کٹوانے کا جنون سوار ہوگیا۔ وہ کہتی تھی کہ جب بچھو مجھے ڈنک مارتا ہے ترمیں اتنی لذت محسوس کرتی ہوں جو بیان نہیں کی جاسکتی۔پورشیا کے اس انوکھے انداز سے نہ صرف اسکے گھر والے بلکہ باقی لوگ بھی حیران وششدرررہ گئے تھے۔ کیونکہ بچھو کے کاٹنے کی تکلیف انسان کو موت سے ہمکنار کر دیتی ہے۔پورشیا کو جب پہلی بار بچھونے ڈنک ماراتھا تب وہ اپنی۔۔۔ مزید پڑھیں

  میں اپنے دفتر میں بیٹھا کچھ فائلوں کا جائزہ لے رہا تھا کہ اچانک مجھے اطلاع ملی کہ صبح ڈبلن اسٹریٹ پر ایک عورت بے ہوش پائی گئی ہے۔میں نے اس عورت کو دفتر میں ہی طلب کر لیا تاکہ اس سے اچھی طرح پوچھ گچھ کر سکوں۔دہ بہت پریشان سی تھی اور بے تحاشہ گھبرائی ہوئی بھی بہت پوچھنے پر اس نے بتایا ۔رات میں ڈبلن اسٹریٹ سے گذر رہی تھی ۔پوری سٹریٹ پر سناٹا چھایا ہوا تھا میں جلد گھر پہنچ جا نا چاہتی تھی لیکن اچانک ... مزید پڑھیں

  ء۱۹۹۶کے موسم گرما کی ایک سہ پہر ۲۶سالہ سٹیو بارسلاگ اپنے مکان کے باغیچے میں پھلوں کو پانی دے رہا تھاکہ نئے ماڈل کا شیورلیٹ ٹرک دروازے کے قریب آکر ڑکا۔ بارسلاگ نے اچٹتی ہوئی نظروں سے دیکھا، اگلی نشست پردو آدمی بیٹھے تھے پچھلی طرف پینٹ کے کئی ڈرم پڑے تھے۔ ٹرک کی نمبر پلیٹ پر فلوریڈا کا نام چمک رہا تھا۔ ہر ڈرم پینٹ بنانے والی ایک مشہور فرم کے لیبل چسپاں تھے۔ڈرائیور نیچے اترا ، وہ چھریرے بدن کا باوقار آدمی تھا۔ چھ فٹ قد، بھوری آنکھیں اور گھنگھریالے سیاہ بال۔ وہ بڑے بڑے ڈگ بھرتا ہواسیدها بارسلاگ کی طرف آیا۔ میرا نام میکی ریلے ہے آپ کے... مزید پڑھیں

ڈنمارک کے جزیرہ فیونن کی سڑکوں پر گھومنے پھرنے والے لوگ روزانہ نیلے رنگ کا ایک چھوٹا سا ٹرک آتے جاتے دیکھتے ہیں۔ انہیں ڈرائیور کے برابرہی سیاہ رنگ کا ایک بڑا کتا بیٹھا دکھائی دیتا ہے ۔ وہ اپنی متجسس نظروں سے ڈرائیور کو یوں تکتا ہے جیسے اس کی ہدایات غور سے سن رہا ہو۔ جزیرہ فیونن کے باشندے تعجب اور شوق سے پلٹ پلٹ کر اس ٹرک کو دیکھتے ہیں ۔بعض لوگ جو اسے پہلے سے پہچانتے ہیں ، وہ توصرف مسکرا کررہ جاتے ہیں لیکن نئے لوگوں کے لئے یہ۔۔ مزید پڑھیں   

  باری النظر میں خیال ہوتا ہے کہ تمام بانکوں کی وضع ایک سی ہوگی۔ مگرایسا نہ تھا ان میں ہر فرد اپنے بانکپن کو ایک نئے عنوان اورنئی شان سے ظاہر کرتا ہے۔ پہلے عام وضع یہ تھی کے سر کو چندیا سے گدی تک منڈاتے اور دونوں طرف کے پٹوں میں سے ایک تو کانوں تک رہتا اور دوسراشانوں تک لٹکتا، بلکہ کبھی اس کی چوٹی گوندھ کر ایک طرف سینے پر ڈال لی جاتی۔اس کے بعد جد تیں ہونا شروع ہوئیں اور ہر بانکے نے اپنے لئے کوئی نئی وضع ایجاد کی کسی صاحب نے ایک طرف کی مونچھیں اس قدر پڑھائی کہ بڑھتے بڑھتے چوٹی سے مل گئی ۔کسی صاحب نے پگڑی کا شملہ بجائے پیٹھ کے ایک طرف شانے پر ڈال لیا۔کسی صاحب نے پاجامے کا ایک پائاچی اس قدرانگارکھا کہ آدھی پنڈ لی کھلی ہوئی ہے اور دوسرا پائنچا اس قدر نیچا کرلیا کہ زمین بوس ہورہا ہے کسی صاحب نے لوہے کی ایک بڑقی پاؤں میں ڈال کر اس کی زنجیر کمرمیں لٹکا ئی اور کڑز کاتے ہوئے پھرنے لگے۔ کسی صاحب نے.. .مزید پڑھیں

ابھی مدرستہ العلوم (علی گڑھ)ترقی کے منازل طے کرکے یونیورسٹی کے بلند مقام پر نہیں پہنچا تھا، اورمیں بھی ہنوز لیکچراری کے مدارج پر گامزن تھا کہ علیاحضرت سلطان جہاں بیگم خلد آشیاں وائی دولت بھوپال اپنے محبوب ترین صاحبزادے محمد حمید اللہ خاں مرحوم کو کالج کے پہلے سال میں داخل کرنے کے لئے علی گڑھ تشریف لائیں۔ نواب زاره مرحوم نے انٹر میڈیٹ سائنس میں داخلہ لیا۔ ریاضی کا مضمون اس درجے کے طلبا کومیں پڑھاتا تھا۔نواب زاده مرحوم کو اس میں کسی قدر سہارے کی ضرورت تھی۔ علیاحضرت جنت آشیاں نے۔۔۔ مزید پڑھیں  

  قلمکی آفرینش سے آج تک ایک سے ایک اعلی قلم بنائے گئے ہیں جن کی قیمت ایک پیسے سے ایک ہزار روپیہ تک معین ہے ۔لیکن جتنے بھی قلم جس قیمت کے بھی تیار کئے گئے ان سے محض انسانی خیالات اور جذبات کی ترجمانی کا کام لیا گیا ہے سستا ہویا مہنگا قلم صرف لکھ سکتا ہے۔ دائرے بناسکتا ہے، لکیریں کھنچ سکتاہے اوران میں نقطوں کے ذریعہ مفہوم پیدا کرسکتا ہے تاکہ لکھنے والے کے جذبات سے آگاہ ہوسکے۔ لیکن یہ قلم جس کا ہم تذکرہ کررہے ہیں اور جسے حال ہی میں یونیورسٹی آف واشنگٹن کے شعبہ سائنس نے ایجاد کیا ہے دنیا کا واحد قلم ہے جولکھنے کی بجائے ہولتا ہے۔اس ایجاد کوجنم دینے والے سائنس کے لیکچرر ڈاکڑ سام اسپارک ہیں جو اس منصوبے کوعملی جامہ پہنانے کی مدت مرید سے...  مزید پڑھیں

  ہنگامہ ! اور کیوں نہ ہو؟ ایک عورت نے ایک مرد میدان کوچیلنج کیاتھا۔عورت جسے عرف عام میں صنف نازک کہاجاتاہے۔ جس میں کلیوں کی نزاکت اور پھولوں کی نرمی ہوتی ہے جوعمرخیام کی رباعی تان سین کے نغموں میں بستی ہے جس میں شعروں کی لچک اور پائل کی جھنکار ہوتی ہے۔اور آج اسی عورت نے مشہور مرد میدان بچن سنگھ پنجابی کو للکارا تھا۔ گویاشمشیر بے نیام ہوگئی تھی۔‘‘ كار لے کر گرانڈ سرکس کا پنڈال’’ تماشائیوں سے کھچا کھچ بھرچکا تھا ۔کیونکہ عورت اور مرد کی کشتی دنیا کے لئے ایک حیرت انگیز تجربہ تھا۔ ہرنگاه منتظراورہر دل بے تاب تھا۔ سرکس کے تمام آئیٹم ختم ہونے کے بعد اب کشتی کی باری تھی۔اور لوگوں نے دیکھا ایک حسن بے مثال اکھاڑے میں پہلی بار غیرمتوقع حالت میں... مزید پڑھیں  

  خلیج بنگال کو موت کی خلیج کہا جائے تو غلط نہ ہوگا کہ اس خلیج سے اٹھنے والے موت کے طوفانوں میں اب تک اتنے انسان ہلاک ہوچکے ہیں کہ ان کی گنتی کرنا بھی مشکل ہے۔ اس خلیج میں دنیا کے تباہ کن ترین طوفان پرورش پاتے رہتے ہیں اورپلک جھپکتے ہی سیکڑوں میل کے رقبہ میں پھیل کر ہلاکت تباہی ، اور بربادی کے اتنے گہرے نقوش چھوڑ جاتے ہیں کہ برسوں ان کی یاد دل ودماغ کو پریشان کئے رکھتی ہے۔ اس خلیج سے تاریخ عالم کے بھیانک ترین طوفان اٹھے ہیں۔ ان میں سے ایک بھیانک طوفان ۱۸۷۶ میں آیا تھا۔ ، جس نے بیس منٹ کے۔۔۔ مزید پڑھیں

  انیسویں صدی کی آٹھویں د ہائی تک لوگوں کے ذہن میں ایک خیال گونجا کرتا تھا کہ ہمالیہ کے غاروں میں انسانی شکل سے ملتی جلتی،لحمن شحیم، قدآور، خوفناک اور خطرناک قسم ایک عجیب و غریب مخلوق کا وجود ہے مگر انسان کا یہ تصور وہم و گمان کی حد سے باہر نہ آسکا۔لیکن ۱۸۸۷ء میں پہلی بار دنیا اس خبر سے چونک پڑی جب ایک برطانوی کوہ پیما ٹیم کے سربراہ کرنل بولڈ نے۱۶۰۰۰ فٹ کی بلندی پرہکم میں برف پربڑے بڑےپنووں کے نشان دیکھئے وہ نشان ایسا لگتا تھا کہ کسی غیر معمولی قدوقامت والے... مزید پڑھیں  

  میں جب بھیم تال کے ہوٹل پہونچا تو مجھے ہوٹل کے منیجر نے بتایا وہ لوگ آپ کی تلاش میں آئے تھے جو ایک روز ہوٹل میں قیام کرنے کے بعد رام نگرمنڈی واپس چلے گئے ہیں اور آپ کے نام ایک چیز دے گئے ہیں منیجر نے اتنا بتاکر دراز سے ایک لفافہ نکال کر میرے ہاتھ میں رکھ دیا۔میں نے خط پڑھا تو اس میں نواب علی خان نے لکھا تاگ کہ نواب علی ہم نے تمہارے یہاں ایک دن انتظار کیا لیکن تمہارے متعلق صحیح معلومات نہ ہونے کی وجہ سے ہم لوگ رام نگرمنڈی کے ریسٹ ہاؤس واپس جارہے۔تم بھی وہیں آجانا خط پڑھنے۔۔۔  مزید پڑھیں

  یہ بالکل سچاواقعہ ۱۹۴۱ کا ہے۔ دوسری جنگ عظیم شروع ہوچکی تھی میں بطورکیپٹن فوج میں تھا۔ میرا تبادلہ دہلی سے لاہور کر دیا گیا۔ مجھے ہدایت کے مطابق بذریعہ ٹرین جلد سے جلد لاہور پہنچنا تھا ۔میں اپنے ضروری سامان کے ساتھ اسٹیشن پہونچ گیا۔ ٹھیک ۹ بجے رات میں گاڑی چل پڑی۔ میری برتھ ریزرو تھی۔ لہذا برتھ پر آرام سے لیٹا سفر کر رہا تھا۔ رات کے ۱۱بجے گاڑی کسی اسٹیشن پر رکی۔ میں نے دیکھا...  مزید پڑھیں۔۔۔  

دوسرا شخص کلاڈیو پہلی مرتبہ جزیرے پر آیا تھا۔ اس کا خیال تھا کہ رہائش کے سلسلے میں یہاں خاصی دشواری پیش آئے گی کیونکہ سیاحوں کی آمد کا موسم شروع ہو چکا تھا لیکن خوش قسمتی سے ایک معیاری ہوٹل میں اسے ایک کمرہ مل گیا جس کا کرایہ بھی نہایت معقول تھا ۔اس کے پاس سامان میں صرف ایک سوٹ کیس تھا جس میں کپڑوں کے علاوہ ضرورت کی چند چیزیں بھی موجود تھیں۔ کمرے کا جائزہ لینے کے بعد اس نے سوٹ کیس کھولا ۔ کپڑے نکال کر الماری میں سجائے ٹوتھ پیسٹ ، برش اور شیونگ کا سامان باتھ روم میں بنے ہوئے مخصوص شیلف پر رکھا ادرخالی سوٹ کیس کو الماری کے اوپر ٹکا کر بستر پر نیم دراز ہوگیا اور سگریٹ سلگا کر ہلکے ہلکےکشن لینے لگا۔ لانچ کا سفراگرچہ زیادہ طویل نہیں تھا۔ لیکن  پھر بھی بے حد تھکادینے والا۔۔ مزید پڑھنے کے لیے کلک کریں۔۔۔

ایک خاوند سے دوسرا خاوند تک میری اپ بیتی کو آپ چار دیواری کی دنیا کی کہانی کہیں گے لیکن میں اسے تھانیداری کی دنیا کی کہانی کہتی ہوں۔ یہ نہ سمجھیں کہ میں پولیس کے خلاف کچھ کہوں گی۔میں تھانیداروں کے خلاف بھی کچھ نہیں کہوں گی۔ یہ میرے اپنے گھر کی کہانی ہے۔میں جگہوں کے اور افراد کےجو نام لکھوں گی وہ اصلی نہیں ہوں گے ۔مجھے معلوم ہے کہ میری آب بیتی کے دو بڑے فرداس دنیا میں نہیں ہے پھر بھی میں نہیں چاہتی کہ ان کے مردے خوار کروں۔ اب تو میری اتنی عمر ہوگئی ہے اس جگہ کی تیاریاں کررہی ہوں جہاں مردے خوار ہونے کے لئے جایاکرتے ہیں۔آب بیتی ہندوستان کے ایک علاقے سے شروع ہوئی تھی. میں اس وقت کنواری تھی۔ رشتہ مانگنے والوں نے ہمارے گھر کا محاصرہ کرلیا تھا۔ مجھ میں دو خوبیاں امیدواروں کو نظر آتی تھیں۔ ایک یہ کہ مجھے خدا نے رنگ روغن او شکل وصورت ایسی عطاکردی تھی کہ جو مجھے دیکھتا وہ رک جاتا اور ۔۔۔ مزید پڑھنے کے لیے کلک کریں۔۔۔